Azərbaycanda kişi küçədə itləri güllələyib? - DİN araşdırmalara başladı - YENİLƏNİB + VİDEO

Daxili işlər Nazirliyi (DİN) Gəncə şəhərində orta yaşlı kişinin küçədə itləri güllələməsi barədə yayılan görüntülərə münasibət bildirib.

DİN-in Mətbuat Xidmətinin Gəncə regional qrupunun baş inspektoru, polis kapitanı Eşqin Qasımov Oxu.Az-a açıqlamasında bildirib ki, həmin görüntülərlə bağlı Gəncə Şəhər Baş Polis İdarəsi məlumatlıdır:

“Hazırda araşdırmalar davam etdirilir”.

Qeyd edək ki, sosial şəbəkələrdə iddia edilib ki, itlərin güllələnməsi barədə Gəncə Şəhər İcra Hakimiyyəti tərəfindən göstəriş verilib.

İH-dan isə saytımıza bildirilib ki, qurum tərəfindən sahibsiz küçə heyvanlarının güllələnməsi ilə bağlı heç bir göstəriş verilməyib.

01:42

Azərbaycanda orta yaşlı kişinin küçədə itləri güllələdiyi iddia olunub.

Oxu.Az xəbər verir ki, bu barədə görüntülər sosial şəbəkələrdə yayılıb.

Bildirilib ki, orta yaşlı kişi ov tüfəngi ilə küçə itlərinə atəş açıb, daha sonra onların cəsətlərini maşına qoyaraq aparıb.

Həmin şəxsdən bunun səbəbini soruşduqda isə qarğalara atəş açdığını bildirib.

Həmin görüntüləri təqdim edirik:

İlhamə Əbülfət