Azərbaycanda xanım deputat bir vəzifəsindən istefa verdi

Milli Məclisin deputatı Jalə Əhmədova Vinq Çun Döyüş Sənəti Federasiyasındakı vəzifəsindən istefa verib.

Oxu.Az-ın əldə etdiyi məlumata əsasən, J.Əhmədova artıq vəsiqəsini təhvil verib.

Bildirək ki, deputat 2018-ci ildən həmin federasiyanın I vitse-prezidenti vəzifəsini tuturdu.

Millət vəkilinin istefasına səbəb onun Azərbaycan Autizm Assosiasiyasına vitse-prezident seçilməyi ilə əlaqədardır.

Oxu.Az deputat Jalə Əhmədova ilə əlaqə saxlayıb. Millət vəkili məlumatı təsdiq edib.

Jalə Əhmədova deyib ki, Vinq Çun Döyüş Sənəti Federasiyasının inkişafı üçün əlindən gələn dəstəyi göstərib.

“Ancaq mən düşündüm ki, bundan sonrakı fəaliyyətimi autizmdən əziyyət çəkən uşaqlara yönəldim”, - deyə o əlavə edib.

Qeyd edək ki, Jalə Əhmədova həm də Vinq Çun Döyüş Sənəti Federasiyasının təsisçisidir.

Aqşin Kərimov