Əslən azərbaycanlı olan alim dünyada riyaziyyat üzrə Filds mükafatını alan ilk qadındır.
Oxu.Az Abc.az-a istinadən xəbər verir ki, Kaliforniyanın Stenford Universitetinin riyaziyyat üzrə professoru 37 yaşlı Məryam Mirzahani (Maryam Mirzakhani) Riman müstəvilərinin və onların modulunun həndəsəsi və dinamikası sahəsinə verdiyi töhfələrə görə mükafata layiq görülüb.
Məryam Mirzahani Tehran şəhərində anadan olub və “Şərif” Texniki Universitetini bitirib. Harvard Universitetində doktorluq dərəcəsini müdafiə edib. ABŞ azərbaycanlıları şəbəkəsinin məlumatına görə Mirzahani etnik azərbaycanlıdır.
Filds medalı riyaziyyat sahəsində ən yüksək mükafatlardan biri hesab olunur və bu mükafata riyaziyyatçıların Nobel mükafatı deyilir. Filds mükafatı hər dörd ildən bir 40 yaşı tamam olmamış alimlərə təqdim olunur.
