Azyaşlı övladları olan ana ölümlə mübarizə aparır: Artıq uşaqlarını da tanımır

1993-cü il təvəllüdlü Sevda Əli qızı Məmmədova ağır xəstəliklə mübarizə aparır.

Bu barədə Oxu.Az-a onun həyat yoldaşı Ramil Məmmədov məlumat verib.

O qeyd edib ki, Sevda Məmmədovanın vəziyyəti ağırdır:

"Sevda limfoma xərçəngi ilə mübarizə aparır. Xəstəliyini yeni öyrənməyimizə baxmayaraq, sürətlə inkişaf edir. 3 ay ərzində əlimdə nə var idisə, yoldaşım üçün xərclədim. Artıq maddi olaraq tükənmişəm. Baxmayaraq ki, cəmi bir neçə aydır xəstəliklə mübarizə aparırıq, çox sürətlə inkişaf etdiyi üçün yoldaşım artıq koma vəziyyətinə çatıb. İki azyaşlı övladımız var. Onları belə tanımır. Yerimə qabiliyyətini itirib. Beyin funksiyalarını yerinə yetirmir artıq. Qarşısında heç kim olmadığı halda söhbət edir. Xalqımdan xahiş edirəm, bizə dəstək olsunlar. Azyaşlı övladlarımın analarına ehtiyacı var. Onlar hələ çox balacadırlar. Bizə ilkin müalicə, kimyaterapiyalar üçün həkimlər 2000 manat pul lazım olacağını deyiblər. İki körpə balama xətir bizə kömək edin".

Ailə ilə əlaqə: (070) 368-45-88.

Yardım üçün: 4169738889210047.