Bakıda “Toyota Land Cruiser Prado” markalı avtomobilin sürücüsü kobud qayda pozuntusu edib.
Oxu.Az xəbər verir ki, bu barədə görüntülər sosial mediada yayılıb.
Görüntülərdən aydın olur ki, avtomobilin sürücüsü nəqliyyat vasitəsini əks hərəkət istiqamətində idarə edərək, həmin zolaqdakı avtomobilin üstünə maşın sürür. Bununla da qarşıdan gələn nəqliyyat vasitəsinin də qarşı hərəkət zolağına keçməyə vadar edir.
Hadisə şahidi bildirir ki, sürücü onun avtomobilini gördüyü halda bu əməlinə davam edir.
Videoya fikir bildirən sosial şəbəkə istifadəçiləri bu maşının iki ay əvvəl də kobud qayda pozuntusu edən 10-MM-100 dövlət nömrə nişanlı maşın olmasını iddia edirlər.
Həmin görüntüləri təqdim edirik:
Qeyd edək ki, bir müddət əvvəl də sözügedən sürücü qaydaları kobud şəkildə pozmuşdu.
