Bakı-Quba yolundakı təhlükə: Asfalt örtüyü DAĞILIB

Bakıdan Quba istiqamətində gedən yolda yaranan problem sürücülərin narazılığına səbəb olub.

Oxu.Az xəbər verir ki, bununla bağlı videogörüntü sosial şəbəkədə paylaşılıb.

Qeyd olunub ki, iki aydan çoxdur ki, Bakı-Quba yolunda asfalt örtüyü dağılıb. Bu isə hərəkət sürəti 90 km/saat olan yolda həm sürücülər üçün ciddi təhlükə, həm də avtomobillərin sıradan çıxması deməkdir.

Azərbaycan Avtomobil Yolları Dövlət Agentliyinin (AAYDA) İctimaiyyətlə əlaqələr şöbəsinin rəisi Anar Nəcəfli də Oxu.Az-a açıqlamasında faktı təsdiqləyib.

"Bakı-Quba yolunun 102-ci kilometrliyində olan körpünün (yol ötürücüsünün) temperatur tikişində olan asfalt örtüyü dağılıb. Əraziyə baxış keçirilib və problem əməkdaşlarımız tərəfindən ötən gün tam aradan qaldırılıb. Dağılan yerə yeni asfalt vurulub", - deyə A.Nəcəfli bildirib.

Bakı-Quba yolundakı təhlükə: Asfalt örtüyü DAĞILIB

Əzizə İsmayılova