Sabunçu Tibb Mərkəzində 24 yaşlı hamilə qadının ölməsi ilə bağlı bəzi təfərrüat məlum olub.
Tibbi Ərazi Bölmələrini İdarəetmə Birliyindən Oxu.Az-ın sorğusuna cavab olaraq verilən məlumata görə, avqustun 20-si saat 22:30-da 2003-cü il təvəllüdlü şəxs (qadın) Sabunçu Tibb Mərkəzinə ölü vəziyyətdə daxil olub.
Meyit təşrih üçün Məhkəmə-Tibbi Ekspertiza və Patoloji Anatomiya Birliyinə təhvil verilib.
Aygün Mirakif
Bakıda 24 yaşlı hamilə qadın dünyasını dəyişib.
Oxu.Az "Bakupost"a istinadla xəbər verir ki, hadisə Sabunçu Tibb Mərkəzində baş verib.
Belə ki, Tovuz rayon sakini Lalə Quliyevanın 5 aylıq hamiləliyi zamanı bətnindəki dölün qüsurlu olduğu müəyyən edilib. Bundan sonra qadın abort etdirmək qərarına gəlib.
Məlumata görə, abortdan sonra qadında güclü qanaxma baş verib və o həyatını itirib.
Qeyd edək ki, bu, Lalə Quliyevanın ikinci hamiləliyi olub.
