Bakıda bir ailənin altı üzvü xəstəxanalıq oldu - YENİLƏNİB + VİDEO

Xəzər rayonu, Binə qəsəbəsində kolbasadan zəhərləndiyi iddia olunan ailənin üzvləri xəstəxanaya yerləşdiriliblər.

Zəhərlənənlər - üç nəfər böyük (ikisi qadın cinsli, biri kişi cinsli olmaqla) Sabunçu Tibb Mərkəzinə, digər üç uşaq isə Mərkəzin nəzdində fəaliyyət göstərən Uşaq Yoluxucu Xəstəliklər Xəstəxanasına yerləşdirilib. Hazırda onlara zəruri tibbi xidmətlərin göstərilməsi davam etdirilir. Vəziyyətləri stabildir.

Zəhərlənmənin hansı şəraitdə baş verdiyini öyrənmək üçün ailə üzvləri ilə əlaqə saxladıq.

Ailənin zəhərlənən üzvlərindən biri Ruhi Əliyev Bizim.media-ya açıqlamasında bildirib ki, kolbasanı Binə qəsəbəsindəki marketlərin birindən alıblar:

“Kolbasanı evə gətirib hazırladıq. Yeməkdən bir müddət sonra vəziyyətimiz pisləşdi və həkim çağırdıq. Açığı kolbasanın köhnə olması ağlımıza gəlmədi. Çünki, market təzə açılıb. İndi şükür ki, yaxşıyıq”.

Ruhi Əliyev qeyd edib ki, kolbasanın hansı müəssisənin məhsulu olduğunu xatırlamır.

Bakıda bir ailənin altı üzvü xəstəxanalıq oldu - YENİLƏNİB + VİDEO

12:48

Binə qəsəbəsində bir ailə qidadan zəhərlənib.

“Qafqazinfo”nun əldə etdiyi məlumata görə, ailənin kolbasadan zəhərləndiyi bildirilir.

Məsələ ilə bağlı Tibbi Ərazi Bölmələrini İdarəetmə Birliyindən (TƏBİB) sorğuya cavab olaraq bildirilib ki, bu gün saat 10:04-də Respublika Təcili və Təxirəsalınmaz Tibbi Yardım Mərkəzinə qida zəhərlənməsi səbəbilə çağırış daxil olub:

“Hadisə yerinə təcili tibbi yardım briqadası cəlb olunub və altı nəfər müvafiq tibb müəssisəsinə hospitalizasiya olunub.

Onlardan üç nəfər böyük (ikisi qadın, biri kişi cinsli olmaqla) Sabunçu Tibb Mərkəzinə, digər üç uşaq isə mərkəzin nəzdində fəaliyyət göstərən Uşaq Yoluxucu Xəstəliklər Xəstəxanasına yerləşdirilib.

Hazırda onlara zəruri tibbi xidmətlərin göstərilməsi davam etdirilir. Vəziyyətləri stabildir”.