Bakıda məktəbin hasarı fərdi evin həyətindən keçir - Sakinlərdən ŞİKAYƏT

Paytaxtın Səbail rayonu, Badamdar qəsəbəsində yerləşən Laçın rayon Badamdar ümumi orta məktəbi ilə bağlı sakinlər narazılıqlarını bildiriblər. Onların iddialarına görə, məktəbin hasarı onların fərdi evlərinin həyətindən keçir və bu, uzun illərdir ki, mübahisə predmetidir.

Oxu.Az-ın "Xəzər Xəbər"ə istinadla məlumatına görə, sakinlər bildirirlər ki, vaxtilə məcburi köçkün uşaqların təhsil alması üçün yalnız iki kiçik birmərtəbəli otaqdan ibarət olan məktəbin ərazisi sonradan genişləndirilib. Məktəbin bir tərəfi evlərinin həyətinə qədər uzanır. Bununla bağlı sakinlər məktəbin direktorunun və müəllimlərinin əvvəllər öz xahişləri ilə həyətlərindən keçən cığırdan istifadə etdiklərini, lakin sonradan məktəbin fəaliyyətinin dəyişdiyini və avtomobillə gəlib-getdiyini bildirirlər.

Bəzi sakinlər məktəbin hasarının düz evlərinin içərisində olduğunu və bu vəziyyətin onların gündəlik həyatlarını çətinləşdirdiyini vurğulayıb.

Məsələyə aydınlıq gətirmək üçün Laçın rayon Badamdar ümumi orta məktəbinə baş çəkdikdə, pedaqoji heyət hədə-qorxu ilə cavab verərək, məsələnin həllinə mane olmağa çalışıb.

Səbail Rayon İcra Hakimiyyətindən verilən cavaba görə, Badamdar qəsəbəsi ilə bağlı məsələ uzun illərdir mübahisə mövzusudur.

Mövzu ilə bağlı daha ətraflı videomaterial təqdim edirik:

Bakıda məktəbin hasarı fərdi evin həyətindən keçir - Sakinlərdən ŞİKAYƏT