Bakıda qanunsuz valyuta mübadiləsi ilə məşğul olan şəxs saxlanıldı

Bakıda metronun "28 May" stansiyasının qarşısında xarici valyutaların mübadiləsi ilə məşğul olan şəxs saxlanılıb.

Oxu.Az-ın məlumatına görə, bu barədə Daxili İşlər Nazirliyinin (DİN) Mətbuat Xidmətinin əməkdaşı polis leytenantı Lumu İsrəfilli bildirib.

DİN rəsmisinin dediyinə görə, qeyd edilən ərazidə müvafiq lisenziyası olmadan qanunsuz xarici valyuta alqı-satqısı ilə məşğul olan şəxs polis əməkdaşları tərəfindən müəyyən olunaraq saxlanılıb. Onun barəsində qanunauyğun tədbir görülüb.

Faktla bağlı araşdırma aparılır.

13:56

Baku TV metronun "28 May" stansiyasının qarşısında xarici valyutaların "qara bazar"ını ifşa edib.

Ölkədə valyuta satışı üçün lisenziya tələb olunduğu halda görüntülənən mənzərə tam əksini deyir.

Vəziyyəti əyani şəkildə göstərmək üçün kanalın əməkdaşı şərti müştəri qismində əlində xeyli miqdarda rus rublu olan şəxsə yaxınlaşıb və ona 40 manat ödəyərək 2200 rus rublu alıb.

Daha sonra isə valyuta mübadiləsi etdiyi adama yenidən yaxınlaşanda həmin şəxs qeyri-qanuni valyuta satışı həyata keçirdiyini inkar edib.

"Pul satmaq istəyirəm, müştəri yoxdur. Rusiyada yaşayıram, bank rus rublunu ucuz götürür deyə satmaq istəyirdim", - deyə o suallardan yayınmağa çalışıb.

Ətraflı süjetdə:

Bakıda qanunsuz valyuta mübadiləsi ilə məşğul olan şəxs saxlanıldı