Bakıda yaşlı kişini bıçaqlayan şəxs saxlanıldı

Oktyabrın 12-də saat 18 radələrində paytaxtın Yasamal rayonu ərazisində 1960-ci il təvəllüdlü Əlövsət Səfərova kəsici alətlə xəsarətlər yetirməkdə şübhəli bilinən 1967-ci təvəllüdlü Teymur Qulubəyov polis əməkdaşlarının keçirdikləri tədbirlərlə müəyyən olunaraq saxlanılıb.

Bu barədə APA-ya DİN-in Mətbuat Xidmətinin əməkdaşı İbrahim Əmiraslanlı bildirib.

Faktla bağlı araşdırma aparılır.

10:48

Bakının Yasamal rayonunda 64 yaşlı kişi bıçaq xəsarətləri alıb.

APA xəbər verir ki, hadisə metronun "Elmlər Akamdemiyası" stansiyasının yaxınlığında baş verib.

Belə ki, 1960-ci il təvəllüdlü Əlövsət Ənvər oğlu Səfərov naməlum şəxs tərəfindən bıçaqlanıb.

Yaralı döş qəfəsinin kəsilmiş-deşilmiş xəsarətləri alıb, xəstəxanaya yerləşdirilib.