BDU-nun müəlliminin dəhşətli ölümünün səbəbi bilindi

Bakı Dövlət Universitetinin (BDU) müəllimi Lalə Hüseynovanın ölüm səbəbi məlum olub.

Oxu.Az xəbər verir ki, onun ölümünə səbəb Sumqayıtda, "Yaşma bağları" adlanan ərazidə qəzaya düşməsi olub.

Belə ki, Lalə Hüseynovanın olduğu minik avtomobili yük maşınına çırpılıb.

Hadisə nəticədə 1974-cü il təvəllüdlü Lalə Hüseynova yerindəcə həyatını itirib, daha iki nəfər - Mina Aslanova və Könül Babayeva isə xəsarət alıblar.

Əzizə İsmayılova

10:00

Bakı Dövlət Universitetinin (BDU) Ekologiya və torpaqşünaslıq fakültəsinin Torpaqşünaslıq və daşınmaz əmlakın kadastrı kafedrasının müəllimi Lalə Hüseynova vəfat edib.

Bu barədə Oxu.Az-a universitetdən bildirilib.

Lalə Hüseynova 1974-cü ildə Bakı şəhərində anadan olub. 1991-1996-cı illərdə BDU-nun Biologiya fakültəsində təhsil alıb. O, 2004-2009-cu illərdə BDU-nun Biologiya fakültəsinin Mikrobiologiya kafedrasının qiyabi aspirantı olub. 2009-cu ildə mikrobiologiya ixtisası üzrə fəlsəfə doktoru adı alıb. 2000-2013-cü illərdə BDU-nun Mikrobiologiya kafedrasında böyük laborant, 2013-2023-cü illərdə Torpaqşünaslıq kafedrasında böyük laborant, 2023-cü ildən Torpaqşünaslıq və daşınmaz əmlakın kadastrı kafedrasının müəllimi kimi çalışıb. O, 49-dan çox elmi məqalənin müəllifi olub.