Binəqədinin keçilməz yolları: “Gərək qayıq alaq” - FOTO/VİDEO

Dünəndən yağan yağış paytaxtın ətraf ərazilərində bir sıra problemlərə yol açıb.

Belə ki, Binəqədi qəsəbəsi Ağamirək İsfahani və Cəfər Cabbarlı küçələrində də yağış suları kanalizasiya sularına qarışıb.

Nəticədə sakinlərin gediş-gəlişi çətinləşib, avtomobillərin hərəkətində fasilələr yaranıb. 

Qəsəbə sakinlərinin Moderator.az-a verdiyi məlumata görə, analoji vəziyyət qış ayından davam edir:

“Binəqədi qəsəbəsində yollarımız onsuz da yaxşı deyildi. Birtəhər pis-yaxşı asfalt çəkmişdilər. Onu da “Azərsu” gəlib dağıdıb getdi. Belə ki, qəsəbədəki su xətlərini yenilədilər, yolun bir tərəfini isə dağıdılmış vəziyyətdə qoyub getdilər. Düzdür, sonradan gəlib bəzi yerlərə nazik örtüklü asfalt döşədilər, amma əksər yerlər eyni vəziyyətdə qaldı. 2 gündür məhəllədə hərəkət etmək çətinləşib. Ya gərək qayıq alaq, ya da uzunboğaz çəkmə. Vəziyyət o həddə çatıb ki, 133 saylı avtobus da artıq bu məhəlləyə gəlmir, yolunu dəyişib”, - deyə sakinlər bildiriblər.

Binəqədinin keçilməz yolları: “Gərək qayıq alaq” - FOTO/VİDEO