Bir vedrə su ilə təmizlik olmaz: Nazirlik şikayətdən sonra hərəkətə keçdi - FOTO

Salyan rayonu Qarabağlı kənd 2 saylı tam orta məktəbinin sanitar qovşağı bərbad vəziyyətdədir.

Bu barədə Oxu.Az-a oxucular məlumat veriblər.

Qeyd olunub ki, valideynlər bu məsələ ilə bağlı dəfələrlə narazılıqlarını bildirsələr də, natəmizliyi aradan qaldıran yoxdur. Onlar bildiriblər ki, ayaqyoluya bir vedrə su qoymaqla məsələni “həll etməyə” çalışıblar.

Məsələ ilə bağlı Şirvan-Salyan Regional Təhsil İdarəsinə sorğu ünvanladıq.

İdarədən Oxu.Az-ın sorğusuna cavab olaraq bildirildi ki, hazırda Elm və Təhsil Nazirliyi tərəfindən Qarabağlı 2 saylı tam orta məktəbinin şagirdləri üçün yeni sanitar qovşağının tikinti işləri davam etdirilir və yaxın müddətdə şagirdlərin istifadəsinə veriləcək.

Fotoları təqdim edirik:

Əzizə İsmayılova