Bu gün saat 19 radələrində Gəncənin Şah İsmayıl Xətai prospektində iki avtomobilin toqquşması ilə nəticələnən yol-nəqliyyat hadisəsi baş verib. Belə ki, sürücüsü hadisə yerindən qaçan BMW markalı avtomobil Musa Məmmədova məxsus “Opel” markalı avtomobilə çırpılıb.
Oxu.Az Milli.Az-a istinadən xəbər verir ki, nəticədə BMW yoldan çıxaraq səki daşlarını dağıdıb.
Hadisə şahidlərinin sözlərinə görə, qəzaya səbəb BMW-nin yüksək sürətlə hərəkətdə olarkən idarəetməni itirməsi olub.
Qəza nəticəsində xoşbəxtlikdən xəsarət alan olmayıb.
Faktla bağlı Gəncə şəhər Baş Polis İdarəsinin Dövlət Yol Polisi Şöbəsində araşdırma aparılır.
