Coratda işıq dirəyinin aşması ilə bağlı RƏSMİ AÇIQLAMA - YENİLƏNİB + FOTO

“Corat qəsəbəsində işıq dirəklərinin aşmasına səbəb avtomobilin elektrik dirəyinə çırpılması olub”.

Bunu “Azərişıq” Açıq Səhmdar Cəmiyyətinin (ASC) mətbuat xidmətinin rəhbəri Vaqif Aydınoğlu Oxu.Az-a açıqlamasında bildirib.

“Hadisənin baş verməsinə səbəb avtomobilin elektrik dirəyinə çırpılması olub. Belə ki, zərbənin təsirindən elektrik dirəyinin biri aşıb, kabelləri dartıldığı üçün digər dirək də aşıb. Qurum əməkdaşları ərazidə səhər saatlarından çalışırlar. Hər iki dayaq yenisi ilə əvəz olunacaq və yaxın dəqiqələrdə əraziyə elektrik enerjisinin verilməsi bərpa olunacaq”, - deyə V.Aydınoğlu qeyd edib.

Hadisə ilə bağlı Baş Dövlət Yol Polisi İdarəsindən bildirildi ki, faktla bağlı araşdırma aparılır.

11:48

Güclü külək Sumqayıt şəhərində elektrik dirəklərini aşırıb.

“Report”un məlumatına görə, hadisə Sumqayıt şəhəri 16-cı mikrorayon və Corat qəsəbəsi hüdudlarında baş verib.

Hadisə nəticəsində zədələnən kabellər əraziyə düşüb.

Əzizə İsmayılova