Azərbaycanda pişik işgəncə ilə öldürülüb.
Bu barədə görüntülər sosial şəbəkələrdə yayılıb.
Belə ki, vətəndaş quşlarını yeyən pişiyi öldürüb və asıb.
Daha sonra heyvanın cəsədinə işgəncə edib. Həmin görüntüləri “TikTok” sosial şəbəkəsində yayıb.
Oxu.Az-ın məlumatına görə, heyvana qarşı bu cür əməl törədən şəxs Goranboy rayon sakinidir.
Goranboy Rayon Polis Şöbəsinin əməkdaşlarının keçirdikləri müvafiq tədbirlər nəticəsində şəxsin rayon sakini Nizami Səlimov olması müəyyən edilib.
Şəxs polis şöbəsinə gətirilib, profilaktiki söhbət aparılıb və barəsində inzibati qaydada protokol tərtib olunub.
İlhamə Əbülfət
