Gəncədə yeddi yaşlı uşağın ölüm səbəbi açıqlandı

Gəncədə xəstəxanada vəfat edən azyaşlının ölüm səbəbi açıqlandı.

Bu barədə Oxu.Az-a Tibbi Ərazi Bölmələrini İdarəetmə Birliyindən (TƏBİB) məlumat verilib.

"Martın 19-u saat 23:00-da 2018-ci il təvəllüdlü şəxs (kişi cinsli) ağır vəziyyətdə Gəncə Şəhər Birləşmiş Xəstəxanasının nəzdində olan Uşaq Xəstəxanasına hospitalizasiya olunub:

"Qaytarılmış qidanın və südün aspirasiyası, ağciyər və ürək çatışmazlığı, dəqiqləşdirilməmiş aplastik anemiya diaqnozları təyin edilən və serebral ifliclə yanaşı, digər xəstəlikləri olan pasiyentin göstərilən reanimasiya tədbirlərinə baxmayaraq, saat 03:20-də ölüm faktı qeydə alınıb", - deyə məlumatda qeyd olunub.

Aygün Mirakif

09:19

Gəncədə uşaq xəstəxanada vəfat edib.

Oxu.Az APA-ya istinadla xəbər verir ki, hadisə Gəncə Şəhər Birləşmiş Xəstəxanasının tabeliyində olan Uşaq Xəstəxanasında baş verib.

Belə ki, şəhər sakini, 2018-ci il təvəllüdlü Ə.Abbasov ağır vəziyyətdə xəstəxanaya yerləşdirilib.

Həkimlərin müdaxiləsinə baxmayaraq, azyaşlının həyatını xilas etmək mümkün olmayıb.

Məlumata görə, yeddiyaşlı Ə.Abbasov serebral iflicdən əziyyət çəkirmiş.

Faktla bağlı araşdırma aparılır.