Güclü küləklə bağlı təcili yardıma müraciət edənlərin sayı AÇIQLANDI - YENİLƏNİB

Gün ərzində müşahidə edilən güclü küləkli hava şəraitə ilə bağlı təcili tibbi yardıma müraciət edənlər barədə son məlumat açıqlanıb.

Tibbi Ərazi Bölmələrini İdarəetmə Birliyindən (TƏBİB) Oxu.Az-ın sorğusuna cavab olaraq bildirilib ki, güclü külək səbəbilə Respublika Təcili və Təxirəsalınmaz Tibbi Yardım Mərkəzinə dörd ünvan üzrə beş müraciət qeydə alınıb.

Hər dörd ünvana təcili tibbi yardım briqadası cəlb olunub. Külək nəticəsində müxtəlif səbəblərdən xəsarət alanlardan üç nəfər kişi, iki nəfər isə qadın olub.

Onlardan iki nəfər (biri qadın, biri kişi olmaqla) ixtisaslaşmış tibb müəssisəsinə hospitalizasiya olunub. Üç nəfərə (biri qadın, ikisi kişi olmaqla) isə təcili yardım briqadaları tərəfindən yerində yardım göstərilib.

15:34

Bu gün güclü külək səbəbi ilə Respublika Təcili və Təxirəsalınmaz Tibbi Yardım Mərkəzinə üç ünvan üzrə dörd müraciət qeydə alınıb.

Bu barədə Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.

Bildirilib ki, hər üç ünvana təcili tibbi yardım briqadası cəlb olunub.

Külək nəticəsində müxtəlif səbəblərdən xəsarət alanlardan ikisi kişi, ikisi isə qadın olub.

Onlardan iki nəfər (bir qadın, bir kişi olmaqla) ixtisaslaşmış tibb müəssisəsinə hospitalizasiya olunub.

İki nəfərə (bir qadın, bir kişi olmaqla) isə təcili yardım briqadaları tərəfindən yerində yardım göstərilib.

Könül Cəfərli