İntiqam Əliyev 3 ay müddətinə həbs edildi – YENİLƏNİB

Nəsimi Rayon Məhkəməsi Hüquq Maarifçiliyi Cəmiyyətinin rəhbəri İntiqam Əliyev barəsində qərar çıxarıb.

Oxu.Az xəbər verir ki, Vəkil Anar Qasımlı APA-ya bildirib ki, İ. Əliyev Cinayət Məcəlləsinin 213.1-ci (vergidən yayınma), 308.2-ci (vəzifə səlahiyyətlərindən sui-istifadə etmə) və 192.2-ci (qanunsuz sahibkarlıq) maddələri ilə təqsirləndirilən şəxs qismində cəlb edilməklə barəsində 3 ay müddətinə həbs qətimkan tədbiri seçilib.

18:22

Hüquq Maarifçiliyi Cəmiyyətinin rəhbəri İntiqam Əliyevin nədə ittiham olunduğu açıqlanıb.

Oxu.Az-ın məlumatına görə, Vəkil Cavad Cavadov APA-ya bildirib ki, İ.Əliyevə Cinayət Məcəlləsinin 213.1-ci (vergidən yayınma), 308.2-ci (vəzifə səlahiyyətlərindən sui-istifadə etmə) və 192.2-ci (qanunsuz sahibkarlıq) maddələri ilə ittiham elan olunub və yaxın saatlarda onun barəsində məhkəmə qərarı veriləcək.

13:36

Bir neçə saat əvvəl Hüquq Maarifçiliyi Cəmiyyətinin sədri İntiqam Əliyev saxlanılıb.

İntiqam Əliyevin evində polis tərəfindən axtarış aparılır.

Oxu.Az xəbər verir ki, Daxili İşlər Nazirliyinin mətbuat xidmətinin rəis müavini Ehsan Zahidovun Teleqraf.com-a dediyinə görə, İntiqam Əliyevin saxlanılması ilə bağlı onda məlumat yoxdur.

Rəis müavini bildirib ki, İntiqam Əliyevin saxlanılması ilə bağlı araşdırma aparılacaq.

Baş Prokurorluğun mətbuat xidmətindən isə İntiqam Əliyevin saxlanılması ilə bağlı məlumat veriləcək.

Deyiblər ki, İntiqam Əliyevin saxlanılması ilə bağlı rəsmi açıqlama olacaq.

12:20

Hüquq Maarifçiliyi Cəmiyyətinin sədri İntiqam Əliyev saxlanılıb.   

Oxu.Az xəbər verir ki, bu haqda facebook.com sosial şəbəkəsində gənc fəal Zaur Əkbər məlumat yayıb. 

O bildirib ki, İntiqam Əliyev bir neçə dəqiqə öncə saxlanılıb. 

Hazırda polis əməkdaşları onun evində axtarış aparırlar. 

www.oxu.az