Kafedə gecə mübahisəsi ölümlə bitdi

İyunun 28-i saat 01 radələrində Xəzər rayonunun Qala qəsəbəsi ərazisində yerləşən kafelərin birində Bakı şəhər sakini Akif Məcidov münaqişə zəminində paytaxt sakini, əvvəllər məhkum olunmuş Zaur Nemətova bıçaqla xəsarət yetirib.

Bu barədə DİN-dən məlumat verilib.

Qeyd olunub ki, Zaur Nemətov xəstəxanaya aparılarkən ölüb:

“Xəzər rayonu 1-ci Polis Şöbəsi əməkdaşlarının keçirdikləri əməliyyat-axtarış tədbirləri nəticəsində qəsdən adam öldürməkdə şübhəli bilinən Akif Məcidov tutularaq istintaqa təhvil verilib”.