Kimsəsiz uşaqlar Nəqliyyatın İntellektual İdarəetmə Mərkəzində – Foto

Azərbaycanın Nəqliyyat Nazirliyi nəzdində Nəqliyyatın İntellektual İdarəetmə Mərkəzi növbəti sosial aksiyasını keçirib.

Oxu.Az xəbər verir ki, NİİM sosial aksiya çərçivəsində avqustun 6-da Xəzər rayonu, Şüvəlan qəsəbəsi, kimsəsiz uşaqların yerləşdiyi “Kiçik Qrup Evi”-nin uşaqlarını Mərkəzə qonaq dəvət edib.

Mərkəzə qonaq gəlmiş uşaqlara yol hərəkəti qaydaları, yol mədəniyyəti, NİİM-in iş prinsipi və tətbiq olunan sistemin fəaliyyəti haqqında ətraflı məlumat verib. 

Həmin tədbirdə çəkilmiş fotoşəkilləri oxucularımıza təqdim edirik.

Xatırladaq ki, 2011-ci ildə fəaliyyətə başlayan Nəqliyyatı  İntellektual  İdarəetmə  Mərkəzinin başlıca məqsədi paytaxtımızda nəqliyyat sisteminin təkmilləşdirilməsi, nəqliyyat xidmətlərinin keyfiyyətinin yüksəldilməsi, ictimai nəqliyyatın hərəkətinin tənzimlənməsi və  hərəkət marşrutlarının optimallaşdırılmasıdır.

www.oxu.az