Kürdəmirdə mikroavtobus AŞDI: Xəsarət alanlar var

Kürdəmirdə yol-nəqliyyat hadisəsi zamanı beş nəfər xəsarət alıb.

"Report" xəbər verir ki, hadisə Bakı-Qazax əsas magistral yolunun rayonun Karrar qəsəbəsindən keçən hissəsində qeydə alınıb.

Belə ki, "Mercedes-Benz" markalı mikroavtobus hərəkətdə olarkən idarəetməni itirib və yoldan çıxaraq aşıb.

Qəza zamanı 5 nəfər - Göyçay sakinləri, 17 yaşlı Şəfa Bəkirov, 68 yaşlı Süleyman Rəhimov, 18 yaşlı Nərmin Ələkbərova, Bakı şəhər sakini Nəzakət Məmmədova və Yaqubov Dmitri Nubaxoviç müxtəlif dərəcəli ağır bədən xəsarətləri alıblar.

Yaralılar dərhal təcili tibbi yardım briqadasının köməyi ilə Kürdəmir Rayon Mərkəzi Xəstəxanasına aparılıb və həkim nəzarətinə götürülüb.

Hazırda faktla bağlı araşdırma aparılır.

Kürdəmirdə mikroavtobus AŞDI: Xəsarət alanlar var