Anası ilə mübahisə edən Sadiq intihar edib? - Mərdəkanda baş verən avtoqəzanın yeni DETALLARI

Fevralın 16-sı axşam saatlarında Mərdəkan-Buzovna yolunun Qala qəsəbəsindən keçən ərazisində avtoqəza nəticəsində həlak olan sürücü ilə bağlı bəzi detallar məlum olub.

Oxu.Az-ın əldə etdiyi məlumata görə, sürücü Sadiq Nurlan oğlu Mikayılov əslən Zərdab rayonundandır.

18 yaşı olan Sadiq Mikayılovun atası onu hələ uşaq olanda tərk edib. Bundan sonda anası oğlunu da götürüb özü ilə bərabər Bakıya gəlib. Qəzadan öncə Sadiq Mikayılov anası ilə rayona qayıtmaq üstündə mübahisə edib.

O Zərdaba qayıtmaq istəsə də, anası maddi çətinliklərdən dolayı qayıtmaq istəməyib. Bundan sonra S.Mikayılov intihar edəcəyini söyləyib.

Onun bilərəkdən qəza etdiyi söylənir.

10:42

Fevralın 16-sı axşam saatlarında Mərdəkan-Buzovna yolunun Qala qəsəbəsindən keçən ərazisində avtoqəza nəticəsində həlak olan sürücü ilə bağlı maraqlı təfərrüat məlum olub.

Oxu.Az-ın məlumatına görə, 77-FS-511 dövlət nömrə nişanlı "Hyundai" markalı avtomobilin sürücüsü Sadiq Nurlan oğlu Mikayılov yüksək sürət həvəskarı imiş.

Belə ki, o, dəfələrlə 160, 200 km/saat sürətlə hərəkətdə olduğu zaman bunun videosunu çəkərək "TikTok"da paylaşıb:

View this post on Instagram

A post shared by Oxu.Az (@oxuaz)

09:16

"Mərdəkan yolunda baş verən yol-nəqliyyat hadisəsi zamanı sürücü həyatını itirib".

Bu məlumatı Oxu.Az-ın sorğusuna cavab olaraq Bakı Şəhər Dövlət Yol Polisi İdarəsinin (BŞDYPİ) baş inspektoru Rüstəm Əhmədli verib.

"Hadisə 16 fevral, saat 21:52-də Mərdəkan-Buzovna yolunun Qala qəsəbəsindən keçən ərazisində baş verib. Zərdab rayon sakini Sadiq Nurlan oğlu Mikayılov idarə etdiyi "Hyundai" markalı 77-FS-511 dövlət nömrə nişanlı avtomobili iki yolayrıcında olan məlumat lövhəsinə çırpıb. Hadisə nəticəsində sürücü həyatını itirib", - deyə R.Əhmədli bildirib.

Əzizə İsmayılova

16 fevral, 23:30

Bakıda Mərdəkan yolu istiqamətində yol-nəqliyyat hadisəsi baş verib.

Oxu.Az xəbər verir ki, bu barədə görüntülər sosial şəbəkədə paylaşılıb.

Belə ki, "Hyundai i30" markalı minik maşını yol kənarındakı dəmir maneəyə çırpılıb.

Hadisə şahidlərinin sözlərinə görə, avtomobili idarə edən sürücü 18 yaşında olub və aldığı zərbədən hadisə yerində dünyasını dəyişib.

Dərhal əraziyə polis əməkdaşları cəlb olunublar.

Həmin görüntüləri təqdim edirik: