Naxçıvanda piyadanın vurulması ilə nəticələnən yol-nəqliyyat hadisəsi baş verib.
APA xəbər verir ki, hadisə şəhərin Heydər Əliyev prospektində qeydə alınıb.
"Audi" markalı avtomobil arxadan piyada zolağından keçən şəxsə yol vermək üçün dayanan "Hyundai" markalı avtomobilə çırpılıb.
Qəza nəticəsində "Hyundai" markalı avtomobil piyada zolağından keçən Türkiyə vətəndaşı, 1995-ci il təvəllüdlü Duyqu Başaranı vurub.
O, Naxçıvan Muxtar Respublika Xəstəxanasına aparılıb, vəziyyəti orta ağırdır.
Hadisə yerinə polis əməkdaşları gəlib, faktla bağlı araşdırma aparılır.
Rəylər