Nəsimi rayonunda quru ağaclar götürülüb, yerinə yeniləri əkilib - FOTO/VİDEO

“Nəsimi rayonu Alı Mustafayev 5 ünvanında yerləşən özəl məktəbin qarşısındakı quru ağaclar götürülüb, yerinə yeni ağaclar əkilib”.

Bunu Oxu.Az-a açıqlamasında Dövlət Ekoloji Ekspertiza Agentliyinin mətbuat katibi Elnur Ağayev deyib. O qeyd edib ki, sözügedən ünvanda 22 noyabr 2022-ci il tarixində bələdiyyə tərəfindən beş ədəd qurumuş və qəzalı vəziyyətdə olan ağacın götürülməsi ilə bağlı agentliyə müraciət edilib. 

“Məktub əsasında agentlik tərəfindən əraziyə baxış keçirilib. Baxış zamanı həqiqətən kök üstə beş ədəd ağacın qurumuş vəziyyətdə olduğu aydınlaşıb. Tərəfimizdən Nazirlər Kabinetinin yaşıllıqların götürülməsi ilə bağlı müvafiq qərarına əsasən, ağacların yerinə yenilərini əkmək şərtilə götürülməsinə rəy verilib”, - deyə E.Ağayev bildirib. 

Nazirlik rəsmisinin sözlərinə görə, rəyə əsasən, beş ağac götürülüb, yerinə 10 ədəd iqlimə uyğun cinslərdən yeni ağac tingi əkilib, həmçinin yeni əkilmiş yaşıllıqlara mütəmadi düzgün aqrotexniki qulluq göstərilməsi tələbi qoyulub.

Nəsimi rayonunda quru ağaclar götürülüb, yerinə yeniləri əkilib - FOTO/VİDEO

Ağacların ərazidən götürülmədən öncəki, qurumuş vəziyyəti. 

Aysel Aslan