Onlayn alış-veriş edənlərə XƏBƏRDARLIQ - Dələduzluq halları artır

Son vaxtlar onlayn alış-veriş zamanı dələduzluq halları artmaqdadır. Xüsusilə geyim almaq istəyən alıcılar tez-tez aldadıldıqlarını bildirirlər.

Oxu.Az xəbər verir ki, bu barədə "Xəzər Xəbər"in qaynar xəttinə çoxsaylı müraciətlər daxil olub.

Zərərçəkmiş Mətanət İbrahimova deyir ki, ödəniş etdiyi paltarın poçtla göndəriləcəyi vəd olunub. Lakin həftələr keçməsinə baxmayaraq, nə geyim gəlib, nə də pul geri qaytarılıb. Üstəlik, əlaqə saxladığı şəxs onu bloklayıb.

Başqa bir zərərçəkən isə 50 manat beh göndərdiyini, lakin daha sonra qarşı tərəfin əlaqəni kəsdiyini bildirib. Onun sözlərinə görə, həmin şəxslər fırıldaqlıq etdikdən sonra istifadə etdikləri sosial şəbəkə səhifəsinin adını dəyişərək izlərini itirməyə çalışıblar.

Ətraflı süjetdə:

Onlayn alış-veriş edənlərə XƏBƏRDARLIQ - Dələduzluq halları artır