Prezidentin köməkçisindən sərhədə toplaşan vətəndaşlarla bağlı AÇIQLAMA - VİDEO

“Həftə ərzində 400-450 nəfərin xaricdən Azərbaycana gətirilməsi planlaşdırılır”.

Oxu.Az-ın məlumatına görə, bunu Nazirlər Kabineti yanında operativ qərargahın keçirdiyi mətbuat konfransında Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev bildirib.

O qeyd edib ki, bu vəziyyət hər zaman dəyişə bilər:

“Son günlər ölkə daxilində koronavirusa yoluxan şəxslərlə bağlı rəqəmlərin artması tendensiyası müşahidə edilir. Aprel ayının əvvəlində xaricdən gələnlərin azalması nəticəsində səhiyyə işçiləri yerli ocaqlar üzərində işləyə bildi.

“Evə gedirəm” portalı ilə qeydiyyatdan keçən vətəndaşların ölkəyə gəlməsi xüsusi qrafiklə həyata keçiriləcək. Amma vətəndaşların sərhədə gəlməsi və insanların iş prosesinə mane olması qəbulolunmazdır”, - deyə o əlavə edib.

H.Hacıyev deyib ki, bu günlərdə Rusiya vətəndaşlarının Azərbaycandan çıxması üçün xüsusi koridor yaradılır.

Prezidentin köməkçisindən sərhədə toplaşan vətəndaşlarla bağlı AÇIQLAMA - VİDEO

İlhamə Əbülfət