Qarlı havada indiyədək 350-yə yaxın şəxs xəsarət alıb

Qarlı havaya görə indiyədək 347 nəfər təcili tibbi yardıma müraciət edib.

Oxu.Az xəbər verir ki, bu barədə Tibbi Ərazi Bölmələrini İdarəetmə Birliyindən (TƏBİB) məlumat verilib.

Bildirilib ki, Respublika Təcili və Təxirəsalınmaz Tibbi Yardım Mərkəzinə qarlı hava şəraiti ilə əlaqədar indiyədək 163-ü qadın, 184-ü kişi olmaqla, 347 nəfərin müraciəti qeydə alınıb.

Onlardan 315 nəfər müxtəlif travmalarla müvafiq tibb müəssisələrinə hospitalizasiya olunub.

Müraciət edənlərdən 32 nəfərə yerində yardım olunub.