Qətlə yetirilən müğənninin qayınanası: “Kaş oğlum Yaqutu öldürməzdi, bacımın yanında xəcalət çəkirəm”

“Heç vaxt oğlumun belə bir hadisə törədəciyini gözləməzdim. O, qarışqanı belə, incitməzdi”.

Bu sözləri “Bizimləsən” verilişində həyat yoldaşı Anar Həşimov tərəfindən qətlə yetirilən 43 yaşlı müğənni Yaqut Həşimovanın qayınanası Tahirə Həşimova deyib:

“Gəlinim hər il kəndə gəlirdi, uşaqla üç gün bizdə qalırdı. Yalnız bu il gəlmədi. Aramızda problem yox idi. Yaqutu çox istəyirdim, bacımın balası idi. Kaş oğlum Yaqutu öldürməzdi, bacımın yanında xəcalət çəkirəm”.

Tahirə Həşimova deyib ki, onlar bir-birini sevərək evlənmişdilər.

Qeyd edək ki, Yaqut Həşimova “Azəristar” müsabiqəsinin iştirakçısı olub və şou-biznesdə Yaqut Nəriman kimi tanınıb.

Qətlə yetirilən müğənninin qayınanası: “Kaş oğlum Yaqutu öldürməzdi, bacımın yanında xəcalət çəkirəm”