Qubadakı ağır qəzada ölən və yaralanan şəxslərin kimliyi AÇIQLANDI

Qubada yol-nəqliyyat hadisəsi zamanı ölən və yaralanan şəxslərin kimliyi məlum olub.

"Report"un Şimal bürosunun məlumatına görə, Quba - Xaçmaz avtomobil yolunun Zərdabi qəsəbəsi ərazisindən keçən hissəsində baş verən yol qəzasında "Hyundai" markalı minik avtomobilinin sərnişini Ucal Şahbaz oğlu İbrahimov dünyasını dəyişib.

Sürücü Mehman Bəylər oğlu Balayarov müxtəlif dərəcəli bədən xəsarətləri ilə xəstəxanaya aparılıb.

Faktla bağlı Quba Rayon Polis Şöbəsində araşdırma aparılır.

10:24

Quba-Xaçmaz yolunun Quba rayonunun Zərdabi qəsəbəsi ərazisindən keçən hissəsində ağır yol-nəqliyyat hadisəsi baş verib.

APA xəbər verir ki, "Hyundai" markalı nəqliyyat vasitəsi yoldan çıxaraq ağaca çırpılıb.

Qəza zamanı avtomobildə olan bir nəfər ölüb, sürücü ağır xəsarətlər alıb.