"Red Bull Car Park Drift"in Azərbaycan üzrə milli finalı keçirilib

Dənizkənarı bulvarda dünyanın ən həyəcanlı drift yarışlarından biri olan "Red Bull Car Park Drift"in Azərbaycan üzrə milli finalı keçirilib.

Azərbaycan Avtomobil Federasiyası (AAF), "Red Bull" şirkəti və Bakı Şəhər Halqası Əməliyyat Şirkətinin birgə təşkilatçılığı, Dənizkənarı Bulvar İdarəsinin dəstəyi ilə baş tutan və özünəməxsus sərt qaydalarla zəngin olan "Red Bull Car Park Drift" yarışında ən bacarıqlı 16 iştirakçı milli final mərhələsində iştirak edib.

2012-ci ildə Əbu-Dabidə ən uzun drift edərək adını "Ginnesin Rekordlar Kitabı"na yazdıran dünya şöhrətli Abdo Feqali də yarışda iştirak edənlərə dəstək olmaq üçün növbəti dəfə Bakıya gəlib.

Qeyd edək ki, Abdo Feqali ötən il də "Red Bull Car Park Drift Azerbaijan"ın qonağı olmuşdu. O, həmçinin 2008-ci ildə Livanda keçirilən ilk "Red Bull Car Park Drift" yarışının da qalibidir.

Daha çox foto burada: PhotoStock.Az