Sabirabad rayonunda baş verən yol-nəqliyyat hadisəsinin təfərrüatı məlum olub.
Baş Dövlət Yol Polisi İdarəsindən (BDYPİ) Oxu.Az-ın sorğusuna cavab olaraq bildirilib ki, sözügedən hadisə iyunun 26-sı gecə saat 2-də Hacıqabul-Horadiz yolunun 20-ci kilometrliyində, Nizami kəndi ərazisində baş verib.
"Kənd sakini 2001-ci il təvəllüdlü Cəmil Vüqar oğlu Məmmədlinin idarə etdiyi QAZ-24 markalı 90-ZS-563 dövlət nömrə nişanlı avtomobillə İmişli rayon sakini 1994-cü il təvəllüdlü Teymur İlham oğlu Səmədovun idarə etdiyi MAN markalı 77-GJ-044 dövlət nömrə nişanlı avtomobil toqquşub.
Hadisə nəticəsində C.Məmmədli və sərnişinləri, Sabirabad şəhər sakinləri 2000-ci il təvəllüdlü Fərid Amil oğlu Hümmətov və həmyerlisi 2010-cu il təvəllüdlü Nihat Mahir oğlu Məmmədli hadisə yerində ölüblər.
Faktla bağlı araşdırma aparılır", - deyə məlumatda bildirilir.
Əzizə İsmayılova
Sabirabad rayonu ərazisində baş verən ağır yol-nəqliyyat hadisəsi zamanı üç nəfər ölüb.
Oxu.Az "Report"a istinadla xəbər verir ki, hərəkətdə olan yük maşını VAZ-2104 avtomobili ilə toqquşub.
Qəza nəticəsində Sabirabad rayonunun Nizami kəndinin sakinləri 2000-ci il təvəllüdlü Fərid Amil oğlu Hümbətov, 2001-ci il təvəllüdlü Cəmil Vüqar oğlu Məmmədli və 2010-cu il təvəllüdlü Nihad Mahir oğlu Məmmədli ölüblər.
Faktla bağlı araşdırma aparılır.
