Sabirabadın Qaragüney kəndində 20 yaşlı oğlanın kanalda batmasının təfərrüatı məlum olub.
Məlumata görə, kənd sakini Səfərağa Musayev mal-qara otaran zaman heyvanın arxasınca kanala girib və suda boğulub.
"Ot yığmağa getmişdi. Qayıdarkən heyvan kanala düşüb. Onu çıxarmağa çalışanda özü batıb. Üzməyi bacarmırdı, tək idi", - deyə suda batan şəxsin əmisi deyib.
Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunublar. Hazırda 20 yaşlı gəncin axtarışları davam edir.
Ətraflı Baku TV-nin süjetində:
Sabirabadda suvarma kanalında batan şəxsin kimliyi məlum olub.
Oxu.Az xəbər verir ki, onun Qaragüney kənd sakini, 2005-ci il təvəllüdlü Səfərağa Musayev olduğu bildirilir.
Axtarışa Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri cəlb olunublar.
Sabirabad rayonu, Qaragüney kəndində bir nəfər suvarma kanalında batıb.
Oxu.Az xəbər verir ki, bu barədə Fövqəladə Hallar Nazirliyi məlumat yayıb.
Məlumatla əlaqədar nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunublar.
Əlavə məlumat veriləcək.
