Bu gün avtobusda Vəfadar Məmmədovun necə öldürüldüyü məlum olub.
Cinayətin şahidləri qətldə ittiham olunan Anar Xəlilovun atəşin təsadüfən açılması barədə sözlərini təsdiqləyiblər.
Oxu.Az xəbər verir ki, bu barədə Vesti.Az-a Nəsimi Rayon Polis İdarəsindən bildiriblər.
Şahidlərin sözlərinə görə, Xəlilov tüfəngi sellofan paketdə gizlədibmiş.
Hərəkət zamanı avtobus silkələnib və Xəlilov bilmədən tətiyə basaraq, atəş açıb. Məlum olub ki, Məmmədov ürəyindən deyil, baş nahiyəsindən yaralanıb.
Qeyd edək ki, bundan əvvəl Anar Xəlilov Məmmədovla tanış olmadığını və ona təsadüfən atəş açdığını, yəni qətli ehtiyatsızlıqdan törətdiyini deyirdi.
