Sakinlərin NƏZƏRİNƏ: Bəzi ərazilərdə qaz olmayacaq

Sahil qəsəbəsinin qaz təchizatında müvəqqəti fasilə yaranacaq.

Oxu.Az xəbər verir ki, bu barədə Azərbaycan Dövlət Neft Şirkətinin (SOCAR) "Azəriqaz" İstehsalat Birliyi məlumat yayıb.

Bildirilib ki, Qaradağ rayonundakı "Sahil QTM"-də aparılacaq təmir-bərpa işləri ilə əlaqədar, sentyabrın 26-ı saat 10:00-dan etibarən qaz təchizatının dayandırılması planlaşdırılır. Qaz təchizatı dayandırılan müddətdə Qaradağ rayonu, Sahil qəsəbəsindəki istehlakçıların qaz təchizatında müvəqqəti fasilə olacaq.

18:52

Biləsuvar rayonunun beş yaşayış məntəqəsində qaz kəsiləcək.

"Report"un məlumatına görə, rayon ərazisində yerləşən "Biləsuvar" qazpaylayıcı stansiyadan qidalanan Əliabad, Xırmandalı, Bəydili, Zəhmətabad kəndləri və şəhərin bir hissəsini təbii qazla təmin edən 11 000 metr polietilen qaz xəttinin kipliyə sınaq olunması üçün ümumilikdə 4 300 abonentin təbii qaz təchizatının 27 sentyabr saat 10:00-dan işlər başa çatana qədər dayandırılması planlaşdırılır.

Qaz təchizatı avadanlıqlarını nəzarətdə saxlamaq və təhlükəsizlik tədbirlərinə riayət etmək sizdən xahiş edilir.