Dövlət Gömrük Komitəsi (DGK) bayram günləri öncəsi növbəti dəfə külli miqdarda pirotexniki vasitələr-petardalar aşkar edib.
DGK-dən Oxu.Az-a verilən məlumata əsasən, Gömrük Hüquqpozmalarına Qarşı Mübarizə Baş İdarəsi Əməliyyat İdarəsinin əməkdaşları tərəfindən “Sədərək” Ticarət Mərkəzi ərazisində Nəzərov Məftun Adil oğluna məxsus “Ford Transit” markalı nəqliyyat vasitəsindən 378 000 ədəd müxtəlif markalı pirotexniki vasitələr-petardalar aşkar olunaraq götürülüb.
Xaçmaz Gömrük İdarəsi əməkdaşları tərəfindən isə külli miqdarda dərman preparatlarının ölkəyə gətiriliməsinin qarşısı alınıb.
“Samur” Gömrük Postunda Rusiya Federasiyasından Azərbaycan Respublikasına gələn yük avtomobilindən Azərbaycan Respublikası vətəndaşı Yusifov Naib Əliastan oğlunun gömrük orqanına bəyan etmədiyi 31 200 konvalyut dərman preparatları aşkar edilərək götürülüb.
Hər iki faktla bağlı DGK-nin İstintaq İdarəsində zəruri istintaq tədbirləri davam etdirilir.
www.oxu.az
