Bakı-Pirşağı-Sumqayıt-Bakı xətti üzrə bəzi qatarların hərəkətindəki gecikməyə aydınlıq gətirilib.
Oxu.Az-a açıqlamasında "Azərbaycan Dəmir Yolları" (ADY) Qapalı Səhmdar Cəmiyyətinin (QSC) İctimaiyyətlə əlaqələr şöbəsinin müdiri Bəxtiyar Hacıyev bildirib ki, gecikməyə səbəb Zabrat-2 stansiyası sahəsində güclü külək nəticəsində avtomobil körpüsünün məhəccərlərinin qoparaq relslərin üzərinə düşməsi olub.
"ADY əməkdaşları tərəfindən ərazidəki maneələr aradan qaldırılıb, qatarların hərəkəti təmin edilib", - deyə B.Hacıyev bildirib.
Sumqayıt-Pirşağı-Bakı qatarında gecikmə yaranıb.
Bu barədə Oxu.Az-ın qaynar xəttinə (+994 55 224-12-12) müraciət daxil olub.
Bildirilib ki, 6612 nömrəli qatar saat 09:17-də Məmmədli stansiyasına çatmalı olsa da, 09:41-ə qədər gəlməyib.
"Qatarın gecikməsinin səbəbi ilə bağlı heç bir məlumat verilmir. Bu qədər insan işə gecikmək məcburiyyətindədir",- deyə məlumatda bildirilir.
Məsələ ilə bağlı aidiyyəti üzrə sorğu ünvanlanıb.
