Tibb müəssisələrinin elektron qeydiyyat sistemində yaranan problem aradan qaldırıldı

Bu gün səhər saatlarından internet provayderlərdən birində texniki nasazlıq səbəbindən bəzi tibb müəssisələrində fəaliyyəti dayanan elektron qeydiyyat sistemi işə düşüb.

Oxu.Az bildirir ki, bu barədə Tibbi Ərazi Bölmələrini İdarəetmə Birliyinin (TƏBİB) məlumat yayıb.

11:48

Bu gün səhər saatlarından ölkə üzrə internet təminatını həyata keçirən provayderlərin birində texniki nasazlıq yaranması səbəbindən bəzi tibb müəssisələrinin elektron qeydiyyat sisteminin fəaliyyətində fasilələr qeydə alınıb.

Oxu.Az xəbər verir ki, bu barədə Tibbi Ərazi Bölmələrini İdarəetmə Birliyinin (TƏBİB) məlumatında qeyd olunub.

Bildirilib ki, problemin qısa müddətdə aradan qaldırılması istiqamətində internet provayderi tərəfindən işlər həyata keçirilir.