Bu gün "Teleqraf" Media Qrupunun fəaliyyətə başlamasının 13-cü ili tamam olur.
"Gündəlik Teleqraf" qəzeti print və onlayn versiyada 2012-ci ilin martın 1-də yaradılıb, 2015-ci ildə isə Teleqraf.com xəbər portalına çevrilib.
Peşəkar komanda formalaşdıran, obyektivlik, düzgünlük, qərəzsizlik prinsiplərinə sadiq qalan Teleqraf.com müxtəlif layihələri ilə məşhur olub.
2025-ci il fevralın 7-də "Gündəlik Teleqraf" qəzetinin və Teleqraf.com xəbər portalının bazasında "Teleqraf" İnformasiya Agentliyi yaradılıb.
Agentlik Azərbaycanın siyasi, iqtisadi, sosial, mədəni, idman və s. sahələrində baş verən hadisələri obyektiv, dəqiq və operativ formada oxucularına çatdırır.
Bütün ölkə ərazisindən xəbər yaymağı qarşısına məqsəd qoymuş agentliyin şəhər və rayonlarda yerli büroları yaradılıb.
Bundan başqa, Azərbaycanın dost, müttəfiq və strateji tərəfdaşı olan iki ölkədə - Türkiyə və Gürcüstanda agentliyin müxbir postları təsis olunub.
Bu gün həm də "Teleqraf" Media Qrupa daxil olan Publika.az xəbər portalının ad günüdür.
Oxu.Az kollektivi həmkarlarını təbrik edir, yeni uğurlar arzulayır!
