Tofiq Bəhramov adına Respublika Stadionunun qarşısına avtobusların GİRİŞİ MƏHDUDLAŞDIRILDI

Noyabrın 28-də Tofiq Bəhramov adına Respublika Stadionunda UEFA Avropa Liqasının əsas mərhələsində baş tutacaq "Qarabağ" - "Lion" oyunu ilə əlaqədar stadionun qarşısındakı Nəqliyyat-Mübadilə Mərkəzinə bu gün saat 14:00-dan avtobusların girişi məhdudlaşdırılıb.

Oxu.Az xəbər verir ki, bu barədə Azərbaycan Yerüstü Nəqliyyat Agentliyi (AYNA) məlumat yayıb.

Qeyd olunub ki, xüsusi avtobus zonası oyuna üz tutacaq azarkeşlərin ixtiyarına verilərək, onların maneəsiz hərəkətləri təmin ediləcək.

Məhdudiyyətlə əlaqədar 13 müntəzəm marşrut üzrə 160-a yaxın avtobusun dayanacaq yeri dəyişdirilərək, müvəqqəti olaraq "Gənclik Mall" qarşısındakı dayanacaqdan təşkil edilib.