Tovuzda oğurluq etdiyi evləri yandıran şəxs saxlanılıb.
Daxili İşlər Nazirliyinin Mətbuat Xidmətinin Gəncə regional qrupundan Oxu.Az-a verilən məlumata görə, həmin şəxsin rayon sakini, əvvəllər məhkum olunmuş Teymur Ələkbərov olduğu müəyyənləşdirilib.
Belə ki, T.Ələkbərov iyul ayının 15-də Tovuz şəhərində evlərdən birinə daxil olaraq oradan pul və elektron saat oğurlayıb, sonra isə yandırmağa cəhd edib, yanğın söndürülüb.
İyul ayının 17-si səhər saatlarında isə Tovuz rayon Aşağı Öysüzlü kəndinin ərazisindəki evlərdən birinin yanması və həmin evdən oğurluq edilməsi ilə bağlı polisə məlumat daxil olub.
Tovuz Rayon Polis Şöbəsinin əməkdaşlarının keçirdikləri tədbirlər nəticəsində həmin evin də T.Ələkbərov tərəfindən yandırıldığı məlum olub.
O, həmkəndlisinin evinə daxil olaraq oradan 39 000 manat oğurladıqdan sonra evi yandırıb.
T.Ələkbərov polis əməkdaşları tərəfindən saxlanılıb və oğurlanan pul vəsaiti maddi sübut kimi götürülüb. Məhkəmənin qərarı ilə həmin şəxs barəsində həbs qətimkan tədbiri seçilib.
Araşdırma aparılır.
Tovuzda yanğın hadisəsi baş verib.
APA-nın yerli bürosunun məlumatına görə, hadisə Tovuz şəhərinin Vaqif küçəsində qeydə alınıb. Küçədə yerləşən evdə anidən yanğın olub. Dərhal əraziyə FHN əməkdaşları cəlb olunublar, yanğın söndürülüb.
Araşdırma zamanı məlum olub ki, Abbasəli Məmmədəliyevə məxsus evi qarət məqsədilə yandırıblar. Hadisə zamanı işdə olan ev sahibi bildirib ki, evə pəncərədən daxil olan şəxs və ya şəxslər evdən pul götürdükdən sonra izi itirmək üçün yandırıblar.
O, oğurlanan pulu bankdan kredit götürdüyünü deyib.
Faktla bağlı polisə məlumat verilib.
