"Trendyol"da məşhur brendlərin məhsulları niyə baha satılır?

Türkiyənin aparıcı "e-ticarət" platforması "Trendyol"da məşhur brendlərin məhsullarının baha satılması Azərbaycandan olan alıcıların narazılığına səbəb olub.

Onlar bildiriblər ki, "Trendyol"da sözügedən brendlərin məhsulları iki-üç dəfə baha qiymətə satılır.

Alıcılar nümunə kimi İspaniyanın məşhur brendinin bir məhsulunu göstərərək qeyd ediblər ki, rəsmi səhifədə, habelə brendin Azərbaycan və Türkiyədə rəsmi satış mağazalarında 60 manata satılan çantanın qiyməti "Trendyol"da 120-160 manat aralığında dəyişir.

Oxu.Az-ın əldə etdiyi məlumata görə, sözügedən brendlərin "Trendyol"da rəsmi mağazası yoxdur.

Yəni "Trendyol"da öz bizneslərini idarə edən sahibkarlar brendlərin məhsullarını aldıqlarından daha baha qiymətə satmağı özləri seçiblər. Bu qiymətlər isə "Trendyol" tərəfindən müəyyənləşdirilməyib.

Aygün Mirakif