Xankəndi şəhəri ərazisindən xeyli silah və sursat aşkar olunaraq götürülüb.
Bu barədə Daxili İşlər Nazirliyinin (DİN) Mətbuat Xidmətindən məlumat verilib.
Məlumata əsasən, polis əməkdaşlarının keçirdikləri tədbirlərlə martın 19-da Xankəndi şəhəri ərazisindən iki ədəd müxtəlif markalı avtomat silahı, bir tapança, dörd qumbara, iki qumbara alışdırıcısı, 10 patron darağı, 190 ədəd müxtəlif çaplı patron və digər sursat aşkar olunaraq götürülüb.
