Xərçənglə mübarizə aparan 16 yaşlı Pınarın anası yardım diləyir

16 yaşlı Pınarın yardımsevər şəxslərin dəstəyinə ehtiyacı var.

Bu barədə Oxu.Az-a onun anası Ramilə Həsənova məlumat verib.

O bildirib ki, övladı xərçəng xəstəliyindən əziyyət çəkir:

"Hər şey Pınarın idman dərsi zamanı yıxılaraq ayağını zədələməsi ilə başladı. Həkim bizi əmin etdi ki, heç nə yoxdur. Biz yay tətilinə qədər gözlədik və sonra qızımızı Bakıya apardıq. Onlar maqnit rezonans tomoqrafiyası (MRT) etdilər, ardınca biopsiyanı təhlil etdilər. Nəticədə qorxulu diaqnoz qoyuldu - sarkoma. Biz Pınarın müalicələrinə başladıq, o, bir neçə dəfə əməliyyat keçirdi".

Ramilə Həsənova hazırda dəstəyə ehtiyacları olduğunu deyib:

"Pınarın xəstəliyini bildiyimizdən bəri yeddi dəfə Türkiyədə müalicə almışıq. Biz sentyabr ayında Türkiyədə iki ay müalicə aldıq. Azərbaycana qayıtdıqdan sonra o, yenidən əməliyyat keçirdi. Pınar hazırda ağır kimyaterapiyalar qəbul edir. İnanın, bu dörd ildə Pınar üçün hər şeyimizdən keçmişik. Dəyərli əşyalarımızı, evimizi satmışıq. Yardımsevər şəxslərdən mənim övladıma dəstək olmalarını xahiş edirəm. Pınar çox gəncdir, onun gələcəyi hələ qabaqdadır, mən onsuz bir həyat təsəvvür edə bilmirəm. Hazırda Türkiyəyə Pınarı müayinəyə aparmaq üçün getməliyik. Bunun üçün dəstəyə ehtiyacımız var".

Ailə ilə əlaqə: (055) 613-48-76.

"Kapital Bank": 4169 7388 7603 0002.