Yasamal rayonunda ölümlə nəticələnən yol nəqliyyat hadisəsi baş verib.
Oxu.Az xəbər verir ki, hadisə Cəfər Cabbarlı küçəsində qeydə alınıb. Nəticədə bir nəfər hadisə yerindəcə həyatını itirib.
Hadisə ilə bağlı Bakı Şəhər Dövlət Yol Polis İdarəsinə sorğu ünvanladıq.
İdarənin bölmə rəisi Toğrul Nəsirli Oxu.Az-ın sorğusuna cavab olaraq faktı təsdiqlədi.
O, qeyd etdi ki, hadisə bu gün saat 15:30 radələrində baş verib. Yolu keçmək istəyən 55-60 yaşlı xanımı moped vurub. Nəticədə piyada hadisə yerindəcə keçinib.
Əzizə İsmayılova
