Yasamalda yük avtomobilində yanğın olub, yolda sıxlıq yaranıb

Yasamal rayonu, Moskva prospekti (tunelin çıxış hissəsində) hərəkətdə olan yük avtomobilində yanğın baş verib.

Oxu.Az xəbər verir ki, bu barədə Nəqliyyatı İntellektual İdarəetmə Mərkəzi (NİİM) məlumat yayıb.

Bildirilib ki, hazırda metronun "20 Yanvar" stansiyası istiqamətində sıxlıq yaranıb.

Nəqliyyatı İntellektual İdarəetmə Mərkəzinin əməkdaşları tərəfindən yol polisinə məlumat verilib və sıxlığın aradan qaldırılması istiqamətində işlər görülür.