Yeddi yaşlı Ümidin dəstəyə ehtiyacı var: Gün ərzində azı beş dəfə qıcolması tutur

Yeddi yaşlı Ümidin yardımsevər şəxslərin dəstəyinə ehtiyacı var.

Bu barədə Oxu.Az-a onun anası Rufanə Məmmədova məlumat yayıb.

O bildirib ki, övladı doğulandan qıcolması var:

"Ümid dünyaya gələndən bir müddət sonra onun beynində işemik problem olduğunu öyrəndik. Beynindəki problemə görə bir neçə ildir qıcolması var. Əvvəllər qıcolmaları həftədə bir neçə dəfə tutsa da, son vaxtlar gün ərzində 4-5 dəfə tutmağa bağlayıb. Buna görə Ümid, demək olar ki, özündə olmur, heç nə yemir".

Rufanə Məmmədova övladının müalicəsi üçün hazırda 1 000 manata ehtiyacları olduğunu deyib:

"Ümidin gün ərzində azı 4-5 dəfə qıcolması tutur. Bunu azaltmaq üçün Ümid təcili müalicələrə və masajlara getməlidir. Bunu qarşılamaq üçün isə bizim imkanımız çatmır. Bizim üç övladımız var, yoldaşım rayonda günü 15 manata çoban işləyir. Bu pulla həm ailəmizi dolandırıb, həm uşağın müalicəsini etmək, demək olar ki, mümkünsüzdür. Yardımsevər şəxslərdən bizə dəstək olmalarını xahiş edirəm".

Ailə ilə əlaqə: (050) 392-24-46.

Kapital Bank: 4169 7388 2380 6850.

Yeddi yaşlı Ümidin dəstəyə ehtiyacı var: Gün ərzində azı beş dəfə qıcolması tutur