Okt
2023
22:20
235
15
1858
Virtual karabakh

Bakıda azyaşlını qaçırıb 200 min manat tələb edənlərin məhkəməsi başlayıb

3 Okt, 2023
22:20
1858

Bakıda azyaşlını qaçırıb 200 min manat tələb edənlərin məhkəməsi başlayıb

Bizim WhatsApp kanalımıza buradan abunə ola bilərsiniz

Bakıda kafe sahibinin azyaşlı oğlunı qaçırıb 200 min manat pul tələb etməkdə ittiham olunan Sakit Əlişov və Şahin Quliyevin cinayət işi üzrə məhkəmənin baxış iclası başlayıb.

APA xəbər verir ki, Bakı Ağır Cinayətlər Məhkəməsində hakim Səbinə Məmmədzadənin sədrliyi ilə keçirilən iclasda ittiham aktı oxunub. İttiham aktında qeyd olunub ki, hadisə bu il martın 25-də saat 22 radələrində paytaxtın Nəsimi rayonu ərazisində yerləşən kafelərdən birində baş verib.

İki nəfər kafe sahibinin başına dəmir parçası ilə xəsarət yetirərək, azyaşlı oğlunu zirzəmiyə aparıb. Burada onu stula bağlayaraq bıçaqla hədələyib atasından 200 min manat pul tələb ediblər. Sonradan isə 20 min manat müqabilində uşağı azad etməyə razılaşıblar.

Təqsirləndirilən şəxslər özlərini qismən təqsirli bildiklərini deyiblər.

Məhkəmə prosesi oktyabrın 31-də davam etdiriləcək.

Qeyd edək ki, Nəsimi Rayon Polis İdarəsinin (RPİ) 19-cu Polis Şöbəsi əməkdaşlarının keçirdikləri əməliyyat tədbirləri nəticəsində hədə-qorxu ilə tələb etmədə şübhəli bilinən Sakit Əlişov və Şahin Quliyev müəyyən olunaraq saxlanılıblar.

Faktla bağlı Cinayət Məcəlləsinin 182-ci (hədə-qorxu ilə tələb etmə) və 145-ci (qanunsuz azadlıqdan məhrum etmə) maddəsi ilə cinayət işi başlanılıb.

 

Bizimlə əlaqə saxlayın

Digər Kriminal xəbərləri