"HUAWEI WATCH FIT 3": Aktiv həyat tərzi üçün müasir smart saat

Tərz, funksionallıq və innovasiyanı təmsil edən "HUAWEI WATCH FIT 3" smart saatlar məkanında yeni eranı təqdim edir. Bu cihaz gündəlik istifadə üçün praqmatik seçim olmaqla kifayətlənmir, fəallıq və sağlam həyat tərzini dəstəkləyən çox sayda funksiyalar təklif edərək alıcı kütləsinin diqqətini çəkir.

Dizayn və Rahatlıq

"HUAWEI WATCH FIT 3"ü fərqləndirən xüsusiyyətlərdən biri onun 9,9 mm nazikliyində olan ultra incə korpusudur. Çəkisi cəmi 26 qram (kəmərsiz) olan bu cihaz gün ərzində onu taxan insanın qolunu yormur, universal görünüşü isə istənilən dəb və tərzlə ayaqlaşmağa tam imkan verir. Kvadrat formada olan ekranın 1,82 düyümlük diaqonalı geniş görmə sahəsi (faydalılıq sahəsi 77%) təqdim edir. 1500 nit maksimum parlaqlıq və avtomatik parlaqlıq tənzimləmə funksiyası isə günün istənilən saatında-qaranlıqda və ya günəş altında-məlumatları aydın şəkildə görməyə imkan verir. Bunun sayəsində cihazdan istifadə daha rahat və əlverişli olur.

Sağlamlıq izləmə funksiyaları

"HUAWEI WATCH FIT 3" "HUAWEI TruSeen™" 5,5 dəqiq nəbz ölçmə və "HUAWEI TruSleep™ 4.0" yuxu keyfiyyətinin təhlili kimi qabaqcıl sağlamlıq izləmə texnologiyaları ilə təchiz edilib. Bu funksiyalar istifadəçilərə sağlamlıq durumlarını real qiymətləndirmək imkanı yaradır. Bunun sayəsində saatın sahibi vaxtında düzgün tədbirlər görərək bir sıra problemlərin qarşısını ala bilir.

İntensiv məşqlər və idman rejimləri

Smart saatlar 100-dən artıq məşq rejimini, o cümlədən futbol, basketbol və kibersport kimi yeni idman rejimlərini dəstəkləyir. "HUAWEI TruSport™" istifadəçinin şəxsi ehtiyaclarına və məqsədlərinə uyğun gələn özəl məşq planları təqdim edir.

Gündəlik həyat üçün ağıllı funksiyalar

"HUAWEI WATCH FIT 3" gündəlik istifadə üçün də maraqlı funksiyalar təklif edir. Məsələn, sürətli şarj funksiyası və ya bir dəfə tam şarj etməklə 10 günə qədər istifadə imkanı müasir alıcı üçün ən cəlbedici özəlliklərdən olacaq. Daim məşğul olan müasir insan hər şeyə vaxtında nail olmağa çalışır. Buna görə uzun müddətli istifadə zamanı onu yarı yolda qoymayan cihaza daim ehtiyac duyur. Cihazın dəstəklədiyi "HUAWEI" "Assistant TODAY" funksiyası isə istifadəçiyə lazım olan vacib məlumatlara anında giriş imkanı verir. Smart saat sahibləri gündəlik cədvəllərini asanlıqla idarə edə, yaxınlıqdakı otellər, uçuş və qatarlar, ekspress çatdırma xidmətləri haqqında məlumatlardan faydalana bilərlər. Bundan əlavə, istifadəçilər taymer və saniyəölçən kimi daxili funksiyalardan da yararlana bilərlər ki, bu da ağıllı saatlardan gündəlik istifadəsini daha rahat və səmərəli edir.

Beləliklə, "HUAWEI WATCH FIT 3" smart saatı ilə siz istirahət və aktiv fəaliyyətinizi dəqiq təhlil edən, sağlamlığınızın qayğısına qalan ağıllı "dost"a sahib olacaqsınız. Smart saatın təqdim etdiyi funksiyalardan istifadə edərək, həm düzgün sağlam həyat tərzinə, həm də gününüzün rahat və məhsuldar keçməsinə nail ola bilərsiniz.